Önər Blog

Əhval-Ruhiyyə:Əla

Oturdum, fikirləşdimki, görəsən bu blogun digərlərindən fərqi nədi?…az da olsa səbəb tapdım.

• Bu blog bəzi bloglardan fərqli olaraq insanlararası mübahisələrə səbəb olmur.
  
• Blogda adət halına gəlmiş müəllif hüquqlarını tapdalamaq kimi hadisələr baş vermir. Blog müəllifinə aid olmayan yazılarda, müəllifin adı qeyd olunur.
• Blog hər hansı bir mövzuya şəxsi maraq və şəxsi münasibət çərçivəsindən kənara çıxmır. Blogda olan bütün yazılar blog müəllifinin fikirlərini əks etdirir.
• Blogun serverinin 4 dəfə çökməyinə baxmayaraq blog hələ də ayaqüstədir
• Blogda Google Adsense yoxdur
• Blogun hakimiyyət strukturlarıyla heç bir əlaqəsi yoxdur …:)

İndi bu sualı özünə çox blogger verir. Blogumu məşhurlaşdırmaq üçün nə etməliyəm. Çünki Azərbaycanda bu gün çox yaxşı bloggerlər var halbuki onların blogunu demək olar ki heç kəs oxumur. Fikirləşirəm ki bu problemə son qoymağın vaxtı gəldi.

1. Robotlara işləməyin…! Yadınızdan çıxartmayın ki blog insanlar üçündür, robotlar üçün deyil. Və yazılarınızın başlıqlarını sırf axtarış sistemlərində çıxsın deyə yazmayın, insanlara maraqlı gələn dildə yazın. Bu çox önəmlidi.

2. Yazın! Yazmaq, yazmaq və yenə də yazmaq. Çalışın ki, yeni, xeyirli məlumatlarla blogunuzu doldurasınız. Bu cəhətdən biraz araşdırmaçılıq etmək etmək lazımdır. Blogun tematikasına uyğun yazmağa çalışın. Kontingentinizi özünüz müəyyən edin. Amma diqqət edin ki, bəzən həftəyə 1 yazı, həftəyə 10 yazı yazmaqdan daha xeyirli olur.

3. Şərh yazın. Çalışın blogrolldakı bloglara şərh yazın. Müəllifə sual verin, müəlliflə yazını müzakirə edin. Və cəlb etməyə çalışın. Demək olar ki, bütün bloggerlərə ağıllı şərhlər maraqlıdır və hər biri bu şəhrin kim tərəfindən yazıldığına baxmaq istəyir. Bu vasitəylə də siz özünüzə oxucu qazana bilərsiniz.

4. Dizayna fikir verin. Blogunuzun dizaynına fikir verin. Dizayn blog üçün çox önəmlidi və tematikayla üst-üstə düşməsi əla olar. Çalışın rənglər cansıxıcı olmasın. Belədə blogunuz oxucuya maraqsız gələ bilər.

5. Özünüzü tanıdın. Blogda ilk yazıları çalışın özünüz barədə yazın. Və özünüzü ifadə etməyə çalışın. Özfəaliyyətiniz, adınız, yaşınız barədə oxucunu məlumatlandırın. Bu müəllif barədə qərar verməkdə oxucuya çox kömək edir.

6. Kataloqlar. Blogunuzu açdığınız ilk gündən link mübadiləsi etməyə tələsməyin. Çalışın ilk yazıları özünüzçün və blogdan məlumatı olan oxucular üçün yazın. Bu gedişlə sizin blogunuzun oxucu kontingenti formalaşacaq. Amma RSS kataloqlarda qeydiyyatdan keçməyi məsləhət görərdim: Яндекс.Блоги , Kanban , Plazoo , HeadLines , Technorati .

İspaniyada Bərabərlik Naziri Bibiana Aido, Avropada Ərəb kişilərinin Qərb modasına ən uyğun paltarlar geyərkən, qadınlara qadağa qoyduqlarını ifadə edərək, "İnsan haqqlarını pozan və ya cinsi ayrı-seçkilik salan mədəniyyətlərin qorunmasına ehtiyac yoxdur" dedi.

Baş nazir Jose Luis Rodriguez Zapatero hökumətinin 31 yaşındakı ən gənc naziri olan və "Mədəniyyətlər İttifaqında qadının rolu" mövzulu bir konfransa qatılan Aido, "qadınlar əgər zorla çadra taxırsa bunun qarşısını alan qanunların olmasını" müdafiə etdi. Aido, "ayrı-seçkilikçilik etməyən və hər vaxt üçün cinsiyyətlər arasında bərabərliyi təşviq edən mədəni ənənələrin isə qorunması və bunlara hörmət göstərilməsi" lazım olduğunu ifadə etdi.
Nazir Aidonun sözlərinə İspaniyadakı Müsəlman dərnəkləri isə sərt reaksiya verdi. Ceutadakı Müsəlman Qadınlar Dərnəyi, Aidonun, "İslam dininin gerçəyini bilməyərək danışdığını" söylədi.

Əhval-Ruhiyyə:Rahat & Sakit

teşekkürler başımız dik gezdirenler,

teşekkürler yağmur,

teşekkürler 90+4,

teşekkürler direk,

teşekkürler sakatlıklarla alay eden adam,

teşekkürler dünyanın en iyi kalecisi,

teşekkürler 2 kişilik oynayanlar,

teşekkürler rüştü,

teşekkürler nöbetçi,

teşekkürler Fatih Terim…

sen gururla yürü yolunda ; sesimiz desteğimiz yanında; devamı 2010′da Afrika’da…

Əhval-Ruhiyyə: Məzəli & Rahat

İyun ayının 29-u TQDK imtahanlarının başlanğıc günü olduğunu eşidən kimi işimi gücümü atıb keçdim klaviaturanın arxasına. Bir il əvvəl imtahana girmiş bir adam kimi, abituriyentlərin mənə ehtiyacı ola biləcəyini düşündüm. Ancaq yazdığım məsləhətlərdən yalnız 1-2 abituriyent yararlanana biləcək. Bunların səbəbləri:

a) Bu blogun ziyarətçi sayının Azerbaycan futbol üzrə yığmasının seçmə mərhələlərdə qazandığı qələbələrin sayından az olması.

b) Valideynlərin imtahan qabağı uşaqlarına nəzarəti gücləndirməsi.

c) “İndi məsləhət vaxtı deyil, məsləhətdən artıq keçib” - kimi fikirlərin olması

Səbəbləri çox uzatmayaq. Keçək əsas mətləbə. Başlıyaq:

1) İmtahan keçiriləcək binanı mütləq əvvəlcədən tanıyın. Bu sizə imtahan günü binanı tapa bilməyənlərə kömək etmək fürsəti verəcək və əgər kömək etdiyiniz qarşı cinsin nümayəndəsidirsə, potensial sevgili tapmaq şansı da bir tərəfdən yaranacaq.

2) “İmtahan günü mütləq yaxşı bir səhər yeməyi edin” - sözünə qulaq asmayın. Onsuz da sizdə alınmayacaq.

3) İmtahan günü valideynlərinizə, evdə qazı açıq qoyduğunuzu, hətta ütünü pişiyin üstündə unutduğunuzu deyin. Valideynlərin aşağıda sizi gözləməsi, həm sizin üçün, həm də onlar üçün artıq enerji xərcidir.

4) İmtahan günü mobil telefonunuzu söndürün. Beləcə, eyni şeyin minlərcə insana söyləməkdən qurtulacaqsınız. Və bu sizə milyonlarca beyin hüceyrəsini qoruyub saxlamanıza yardımçı olacaq.

5) İmtahan salonunda nəzarətçiyə “İstədiyimiz sualdan başlaya bilərik?” - sualını verin. Beləcə həm siz, həm də digər abituriyentlər psixoloji basqıdan qurtulmuş kimi olacaq. Amma bu yardımçı olmaya da bilər.

6) Nəzarətçinin köçürmədiyinizə əmin olması üçün ilk yarım saatda özünüzə arxayınmışsınız kimi davranın. Ağzınızı büzüb : ” Eh, bu ne asan suallardı belə” havasına bürünün. Yarımsaatdan sonra nəzarətçi köçürənin olmadığına əmin olub, yerinə oturacaq. Və siz də əvvəlki düşük özünəarxayınlığınıza qayıdıb, sualları cavab verəcəksiniz.

7) İmtahan vaxtı bir sualda vaxtınızı boş xərcləməyin. Həmən dəqiqə yanınızda oturan abituriyentə müraciət edin. O da bilməsə, rahatlıq hissinin sizi bürüdüyünü hiss edəcəksiniz.

8 ) İmtahan qabağı “Birdən instituta girməsəm nə olacaq” suallarına cavab axtarmıyın və heç də narahat olmayın. Bu onsuz da sizin imtahanınız deyil, valideyninizin imtahanıdır. Siz sadəcə bir vasitəsiniz.

Bunları nəzərə alsanız. İmtahanda müvəffəq olmaq şansınız yüksək olacaqdır. Amma bütün bu məsləhətlər kömək etməyə də bilər.

Əhval-Ruhiyyə:Rahat & Sakit

Liberalizm, azadlığı ilk siyasi dəyər olaraq ələ alan bir ideologiya, siyasət ənənəsi və düşüncə axınıdır. Ümumi mənada liberalizm, fərdlərin ifadə azadlığına sahib olduğu, din, dövlət və bəzən təşkilatların gücünün məhdudlaşdırıldırıldığı, düşüncənin sərbəst bir şəkildə dolaşdığı, xüsusi təşəbbüsə imkan təmin edən bir sərbəst bazar iqtisadiyyatının olduğu, hüququn üstünlüyünü etibarlı edən şəffaf bir dövlət modeli və ictimai həyat nizamının formasıdır. Liberal demokratiya olaraq adlandırılan bu dövlət nizamı, açıq və ədalətli bir seçki sistemi ilə birlikdə bütün vətəndaşların qanun qarşısında bərabər olduğu və fürsət bərabərliyinə sahib olduğu bir sistem olaraq modelləşir.

Kralların təbii rəhbərlik haqqı, varislik sistemi, dövlət dini kimi köhnə dövlət nəzəriyyəsini meydana gətirən bir çox təməl qəbula liberalizm qarşı çıxar. Bütün liberallar fərdin yaşam haqqı, azadlığı və mülkiyyət haqqı kimi təməl insan haqqlarını qəbul edir və dəstəkləyir. Bununla birlikdə bir çox ölkədə müasir liberalizm, ictimai rifahın təmin edilməsi baxımından, dövlətin fərd azadlığı üzərində minimal bir məhdudlaşdırıcı gücü olmasını müdafiə edərək klassik liberalizmdən ayrılar.

Liberalizmin kökləri qərb işıqlanma müddətinə söykənsə də, bu gün üçün termin sağdan sola siyasi təməlin fərqli nöqtələrini əhatə edən, azadlıq əsaslı bir düşüncə xəttini dəstəkləyir.

Etimologiyası və tarixi.

Liberal sözü Latınca liberdən (azad) törəmişdir. Livyin (Titus Livius) “History of Rome from Its Foundation” əsərində aşağı təbəqə ilə aristokatlar arasında keçən azadlıq mübarizəsi izah edir. Orta çağın dəyişən mühitində yuxuda olan bu mübarizə azad şəhər dövlətlərini müdafiə edənlər və papa tərəfdarları arasında İtalyan intibah müddətində təkrar başladı. Niccolò Machiavelli, Discourses on Livy əsərində respublikanın təməllərini atdı. İngilis John Locke və Fransız intibah dövrünün digər mütəfəkkirləri bu mübarizəni insan haqqları təməlində ələ aldılar.

Türk leksik luğətində Liberal sözünün Fransızca libéral ‘dan gəldiyi və bu mənaları verdiyi yazılmışdır:

* Azadlıq və sərbəstliklə əlaqədar.
* Sərbəst iqtisadiyyatdan yana olan (kimsə, partiya vs).
* (məcaz) Xoşgörülü.

18. əsr sonlarından etibarən liberalizm inkişaf etmiş ölkələr üçün əsas ideologiya axınlarından biri halına gəldi.
Liberalizmdə meyllər.

Yuxarıda izah edilən təməl çərçivə daxilində olmaqla birlikdə, liberalizm içində dərin qarşıdurmalar və əleyhdarlıqlar olan bir sistemdir. Bu qarışıqlıqlar klassik liberalizm xaricində fərqli meyllər meydana gəlməsini təmin etdi. Bir çox müzakirədə əleyhdar tərəflər fərqli anlayışlar üçün eyni sözü, bəzən də eyni anlayış üçün fərqli sözləri istifadə edərlər.

Liberalizmdə meyllər.

Yuxarıda izah edilən təməl çərçivə daxilində olmaqla birlikdə, liberalizm içində dərin qarşıdurmalar və əleyhdarlıqlar olan bir sistemdir. Bu qarışıqlıqlar klassik liberalizm xaricində fərqli meyllər meydana gəlməsini təmin etdi. Bir çox müzakirədə əleyhdar tərəflər fərqli anlayışlar üçün eyni sözü, bəzən də eyni anlayış üçün fərqli sözləri istifadə edərlər.

* siyasi liberalizm liberal demokratiya tərəfdarlığı
* mədəni liberalizm fərdi haqq və azadlıqların kimi dövlətsəl və ya dini səbəblər üzündən məhdudlaşdırılması əleyhdarlığı
* iqtisadi liberalizm dövlət mülkiyyətinə qarşı xüsusi mülkiyyət haqqı tərəfdarlığı
* ictimai liberalizm fürsət bərabərsizliyinə qarşı olaraq bərabərlik tərəfdarlığı
* Mühafizəkar liberalizm Fərdi azadlıq, sərbəst iqtisadiyyat təşəbbüskarlığı, düşüncə və din və vicdan azadlığını xalqın ənənəvi ,mədəni quruluşu nəzərə alan sağçı ideologiya azadlığıdır.

Siyasi və mədəni liberalizm özünü liberal olaraq təyin edən insanların çoxu tərəfindən bənzər bir şəkildə qəbul edilib mənimsənər, lakin iqtisadi və ictimai liberalizm mövzusunda geniş fikir ayrılıqları və anlaşılmazlıqlar mövcuddur.

Təməl Prinsipləri.

Fərdilik: Fərdi əsas götürüb onu bütün digər təşkilatlardan üstün tutan görüşdür. Yəni fərd müştərək olan cəmiyyət, dövlət kimi təşkilatlardan əvvəl gəlir. Hərəkət nöqtəsi müqəddəs qəbul edilən fərddir. İqtisadi həyata da bu anlayış əks olunar. Bütün ictimai təşkilatların qarşısında fərd vardır.

Şüurluluq hipotezi: Fərdin məqsədlərinə çata bilməsi üçün istifadə edəcəyi yolları özündən daha yaxşı kimsənin bilməyəcəyi düşüncəsidir. Bir liberal üçün hər kəs öz məqsədləri istiqamətində şüurlu davrana bilmə bacarığına malikdir və öz xoşbəxtliyini necə təmin edə biləcəyini başqalarından yaxşı bilər. Hər fərdi seçki bu hipotezdən ötəri şüurlu qəbul edilir və bundan ötəri də toxunulmaz xüsusiyyət qazanar.

Azadlıq: Liberalizmin ən əsaslı nöqtələrindəndir. Fərdin azad olması, istədiyini təzyiqə məruz qalmadan etməsidir. Amma bu vəziyyət pür azadlığa da çevrilə bilər. Bu tərz azadlıq mənfi bir nöqtəyə yönəlmişdir. Liberalizmdə bu cür pür azadlıq qəbul edilməməkdədir. Yəni bir fərdin digərlərinin azadlığını məhdudlaşdırmaması lazımdır. Libertaryenler isə işdə bu mənfi, pür azadlığı istəyirlər.

Təbii Nizam: “Buraxın etsinlər, buraxın keçsinlər!” fəlsəfəsidir. Dünya öz özünə gedər. Buraxın etsinlər; dövlətin hər hansı bir malın istehsalını hər hansı bir səbəblə qadağan etməməsi lazım olduğu düşüncəsidir. Buraxın keçsinlər isə; dövlətin mal və sərmayə dövranını hər hansı bir səbəblə gömrük kimi tədbirlərlə məhdudlaşdırmaması lazımlılığıdır. Buraxın keçsinlər fəlsəfəsi həm istehsalçı həm də istehlakçı baxımından əhəmiyyətlidir. İstehsalçı daha çox pul qazanarkən istehlakçı da daha ucuza mal tapar.

Bazar İqtisadiyyatı: Mal və xidmət qiymətinin bazarda təyin olunduğu iqtisadiyyat sistemidir.

Məhdud Məsul Dövlət: İqtisadiyyata dövlət müdaxiləsi yoxsa fərdlər istədikləri mal və xidmətləri çıxarırlarsa məhdud məsul dövlət vardır. Dövlət ancaq iç təhlükəsizlik, xarici təhlükəsizlik, ədalət, təhsil, sağlamlıq və alt quruluş xidmətlərini görməlidir.

Bir ideologiya olaraq liberalizmin mənbələri, kilsənin nüfuzuna qarşı çıxan İntibah humanizminə və Xalqın öz kralını seçməyə istiqamətli tələblərdə tapıldığı, xalq suverenliyini anlayışının əhəmiyyətli yapıtaşlarından olan 1688 İngilis inqilabına uzanar. Ancaq gerçək mənada “liberal” olaraq təyin oluna bilər hərəkətlər İşıqlanma çağı sonrası, xüsusilə İngilis Whig partiyası, Fransız islahatı və Amerikanın müstəqilliyinə istiqamətli mübarizənin başlanğıcına uzanar. Bu axınlar mütləq monarxiya, merkantilizm, müxtəlif dini ortodoksluq və klerikalizm hakimiyyətinə qarşı çıxmışlar. Ayrıca bu axınlar ilk dəfə hüquq zəmanəti altındakı fərdi haqqları anlayışını meydana gətirdilər, və xalqın seçilmiş nümayəndələr vasitəsi ilə öz özünü idarə etməsinin əhəmiyyətini vurğuladılar.

Əhval-Ruhiyyə:Xoşbəxt

Dünyanın ən gözəl şəhəri, ən gözəl mənzərəsi ilə…

Əhval-Ruhiyyə:Təəssüflənmiş

Fatih Terim Almaniya ilə oyundan sonra istefa verəcəyini açıqladı. O karyerasını Avropada davam etdirmək istəyir. Terimə uğurlar arzulamaqdan başqa heç bir şey qalmır. Türkiyə millisi ilə çox gözəl bir Euro-2008 keçirən Terim Almaniya məğlubiyyəti barədə bunları dedi:

Layiq olmadığımız bir məğlubiyyət oldu. Çox ucuz qollar buraxdıq. Amma mən futbolçularımla fəxr edirəm. Məğlub olanda da təbrik etməyi bacarmalısan. Almaniyanı təbrik edirəm.

Terimə artıq İtaliyanın Napoli və Almaniyanın Borussia Dortmund klublarından rəsmi təklif gəlib.

Əhval-Ruhiyyə:Sakit

Amerika “LiveScience” jurnalı Elm dünyasının hələ tapa bilmədiyi 10 sirri açıqladı. Və qarşınızda Dünyanın 10 qatı açılmayan sirri

1 - Bədən – Zehin əlaqəsi

Bir əfsanəyə çevrilən “Plasebo” zehinlə bədən arasındakı əsrarəngiz əlaqənin ən sadə sübutudur. Bu əlaqə özünü belə göstərir. Belə ki saxta yəni əslində dərman olmayan bir məhlul atdığından xəbərsiz olanlar, dərdlərinə dərman olacaq bir preparatı atdığını fikirləşərək özlərini daha yaxşı hiss edirlər. Üstəlik əlaqə bununla bitmir,tibbi araştırmalarda da düzəliş göstərilir Plasebo-ya baxanda insan istər istəməz zehin nəyə inanarsa bədənində onu yaşadıığına hökm gətirir. Bəzi alimlər zehinin köməyi ilə bədənin özü özünü sağaldabilmə qabliyyəti müasir tibbin yaradabiləcəyi bir möcüzədən qat-qat üstün olduğuna inanırlar.

2 - Ruhlar

Ruhların varlığı haqqında ciddi bir sübut yoxdur hələki onları gördüyünü, onlarla söhbət etdiyini, onların şəkillərini çəkdiyini söyləyən çoxlu insanlar var. Ancaq elm hələki bu varlığı sübuta yetirmiyib.

3 - DÉJÀ VU

Fransız bir kəlimə olan deja-vu Azərbaycan dilinə çevirəndə “daha öncə görülmüş” mənasını verir. Açıqlamaq istədiyi məna isə budur: Xüsusi bir xatirə olaraq düşünülür, və nə vaxtsa bu hadisəni görmüş olduğunuzu hissetmə halıdır. Hərkəsin həyatında bir və ya bir neçə dəfə yaşadığı bu hiss, təcüblü, anlaşılmaz sehirli və tük ürpədicidir. Alimlər deja-vu ilə əlaqədar bəzi açıqlamalar verməyə çalışsalar da bu sehirli hissin səbəbini hələ də sirr olaraq qalır..

4 - TAOS UĞULTUSU

ABŞ-ın New-Mexico əyalətində yerləşən kiçik Taos şəhərini ziyarət edən bəzi turistlər və vətəndaşlar, illərdir. Çöl sahələrdə sehirli, güçsüz, sakit bir səsə sahib olan bir uğultu və tirəşım eşitdiklərini deyirlər. Bu sözləri deyənlər Taos vətəndaşlarının sadəcə 2%-ini təşkil edir.Bəziləri bu səsin çöldə havanın yaradacağı bir səs, bəziləri isə bunun uğursuz bir sir olduğuna inanırlar. Eşidilən bu səsə istər vızıltı istər uğultu, istər titrəyiş istər psixolojik, istərsədə sirr olduğuna inanın. Haqqında bilinən bir geçək var: O da indiyə kimi heç kimin bu səsin kökünün harda olduğunu bilməməsidir

5 – Psixi güc (Vergi verilməsi)

Həm şərq-də həmdə qərbdə bir sıra insanlar psixi güclərə inanırlar. Bu günə kimi psixi gücləri olduğunu deyən insanlar alimlər tərəfindən test ediliblər. Hər dəfəsinədə ya heçnə edə bilməyiblər, ya da ediblərsə nəsə şübhəli qalıbdır Altıncı hissin gücünə inanan adamlar hələ tam dəqiqliyi ilə bu hissin sübutunu elmə aça bilməyiblər.

6 – UzaqGörən

Psixoloqlar bu hissi açıqlayanda insanlar zehinsəl, fərqində olmadan ətrafımızdakı dünya haqqında məlumat topladıqlarını deyirlər. Bu şəkildə biz əslində sadəcə görünüşdə bilmədiyimiz bəzi şeyləri bilir ya da hiss edirik. Ancaq sözügedən məlumatlar zehnimizin dərinliklərində yaşadığı üçün bunun necə olduğunu heçcür anlaya bilmirik.

7 – Ölümdən sonrakı həyat

Həyatlarında bir dəfə kliniki ölüm keçirmiş insanların bəziləri qaranlıq bir tuneldə yol alıb sonda isə ağ bir işığa qovuşduqlarına dair hekayələr danışarlar. Bu fikirlər son dərəcə təsiredici olmaqla bərabər təəsuf ki hələ heç kim o birisi tərəfdən əlində bir sübut ilə ya da doğrulanacaq bir məlumatla geri dönməyi bacarmıyıb.O biri dünya şübhə ilə baxanlar sözügüdən mövzunun travma keçirmiş bir beynin bir sıra xəyallar gördüyünü qeyd edirlər.Bunun üçün də bu da hələ də sirr olaraq qalır.

8 – Uçan boşqablar.

Bəli uçan boşqablar var. Çünki dünyanın hər yerində göyüzündə nə olduğu bilinməyəm bir sıra obyektlər görünndüyünü söyləyən insanlar var. Amma bu obyektlər əslində bir təyyarəmidir, meteorodur, yoxsa həqiqətəndə Mars-lıların icad etdiyi son model bir kosmos gəmisidir. Heç cürə sirri açılmr.

9 – Əsla tapılmayan itgin düşmüşlər

İnsanlar bəzən itirlər. Bəziləri yaşadıqları həyatdan qaçır, bəziləri bilinməyən qəzalarda itib gedər, bəziləri cinayət qurbanı olur. İtgin düşənlər ölü ya da diri tapılır. Ancaq insanlar da vardır ki sanki yer yarılır içinə girirlər, buxarlaşırlar. 1872-ci ildə Portugaliya yaxınlarında tapılan ruh gəmisi Marie Celeste-nin komandası, Amerika işçi lideri Jimm Hoffa bu şəkildə itgin düşənlərdən sadəcə biridir.

10 – Böyük ayaq

Bu sirr-də Amerikadan…….. Yeni qitədə illər boyunca insana bənzəyən çoxlu tükü olan, çox iri Böyük Ayaq adlı bir varlığ gördüyünü söyləyən saysız hesabsız insanlar var. Bütün Qitə ətrafında qeydə alınan söz-söhbətlər doğrudursa əslində minlərlə Böyük Ayağın olduğunu demək olar. Ancaq bu günə qədər bu qorxulu varlığa aid bir dənə də olsun meyit tapılmayıb. Ortada şəkillər, video yazıları və şahidlərin açıqlamalarından başqa bir şey yoxdu. Görünən odur ki Böyük Ayaq da Şotlandiyada varlığı heç cürə sübuta yetirilməyən məşhur Loch Ness heyvanı kimi sehiri kimi dünyadakı yerini qoruyacaq.